ايه الفرق بين التسويق الشبكي و التسويق بالعمولة ؟

1. 
   
2. 
   
3. التسويق الشبكي : لازم تدفع فيه فلوس قبل ما تدخل
4. و بيديك مكان الفلوس اللي دفعتها منتج او خدمة
5. تمنها اقل بكتير م ال دفعته و لازم تقنع حد غيرك انه
6. يجي يدفع فلوس هو كمان عشان يدخل و هو يقنع
7. حد غيره و كده عشان انت جزء من ارباح كل واحد
8. بيسجل تحت منك يعني عامل زي الطاقية لما بتلبسها
9. لازم تلبسها لغيرك و الا ح تخسر الفلوس ال انت دفعتها
10. ف الاول عشان تدخل بعد ما ال باعلك وعدك انك
11. تبقي مليونير لما تدخل و هتعمل ثروة و تركب اليخت
12. و اللي بيعمل فلوس م النوع ده من التسويق هو صاحب
13. الشركة اللي اخترع الفكره و الناس اللي تحته مباشرة
14. و كل ما بيتاخر ترتيبك ف الهرم كل ما نسبة انك تلم
15. فلوسك تقل لان فيه حاجه بتحصل اسمها التشبع و دي
16. لما بيبقي مفيش حد تاني ممكن يشتري و ساعتها الشركة
17. بتنهار و صاحبها بيهرب بالفلوس و بيتمسك الناس اللي
18. تحت و غالبا مبرجعوش لحد حاجة و الموضوع بيخلص
19. علي ان كل واحد يشيل تمن خسارته
20. 
    
21. 
    
22. 
    
23. 
    
24. التسويق بالعمولة "الافلييت" : مبتدفعش حاجة عشان
25. تشتغل هو انت بتدخل موقع تسجل فيه تاخد منه لينك
26. مخصوص ليك بيوصل لخدمة او منتج لو حد اشتراه
27. عن طريق اللينك بتاعك بتاخد عمولة بتتحسبلك
28. مقابل كل بيعة تبيعها و التسويق ده بيكون عن
29. طريق الانترنت و المنتجات دي ممكن تكون مادية
30. ملموسة لازم الشركة تشحنها زي منتجات امازون
31. مثلا او جوميا او تكون منتجات ديجتال العميل ال
32. بيشتريها بيحملها زي منتجات كليك بنك كورسات
33. مثلا او برامج او اي حاجة تاني و الافلييت عالم
34. كبير و الاستمرار فيه ممكن يعمل مكاسب كبيرة
35. جدا بس مش اي حد ح يستحمل يشتغل و يبذل
36. المجهود اللي ف الاول لحد ما يحقق فلوس حاجة
37. كده عاملة زي اللي عايز يكون 5000 فريند علي
38. صفحته ع الفيس مثلا اي حد ممكن يعملها بس
39. مش اي حد بيصبر لحد ما يعملها ف عشان كده
40. اغلب ال بيدخلو بيستسلمو و يخرجو منه قبل
41. ما يعملو منه فلوس لان الافلييت عايز مجهود
42. ذهني جامدو استحمال الشغل بدون عمولات
43. ف الاول لحد ما تتعلم ازاي تبيع عشان تاخد
44. عمولة بس مش مستحيل انك تنجح فيه
45. و تحقق منه ثروة و تركب اليخت بجد